شەفەق نیوز/ پولیس مەکسیکۆ سیتی وت: لێکۆڵینەوە وەرد کەسیگ کورد کە توومەتبارە وە تاوان زنجیرە کوشتن، دویای پەیاکردن سوخان و هەڕە و خوین و بەڵگەنامەی ژنەیلیگ بیسەروشوین لە ماڵەگەی.
نویسینگەی بانگەشەکردن گشتی ناو ئەو توومەتبارە ئاشکرا نەکرد، وەلێ وتن دەسکیرکریاگە وەتوومەت کوشتن و نیاز کوشتن دوو ژن.
رووژ سێشەممەی گوزەشتە، توومەتبارەگە چەوەڕی ژنیگ کردیاد لە ماڵ دەرچوود، ئیجا چگە ناو ماڵەگەی و دەسدرویژی سێکسی لەبان دویەتە ١٧ سامانەگەی کرد و خنکانەی.
هەناێ ژنەگە گلەو خوارد وە چەقوو داد لە مل ژنەگەی و وای، ژنەگە زەخمدار بوی و دویەتەگە مرد.
ماڵ تاوانبارەگە نزیک شوین تاوانەگە بوی، ئەراوە زویوەزوی ناسریا، تا دەسگیر کریا.
هەناێ پولیس ماڵ تاوانبارەگە وەشکێد، مادەی بایۆلۆژی پەیا کرد جویر خوین و سوخان وەگەرد هەرە و چەن مۆبایلیگ و بەڵگەنامەی ژنەیلیگ بیسەروشوین.
وەگورەی قسەی پۆلیس؛ هاتێ ٧ تا ٢٠ قوربانی وەدەس ئی تاوانبارە کوشیانە کە گشتیان ژن بوینە.