شەفەق نیوز/ ئاژانس خەوەری ''یونهاب'' کۆریای باشووری وت: ئمڕوو شەممە، دادگا مووڵەت دا ئه‌را دەسگیرکردن دامەزرێنەر کلیسەیگ ک قسە هابانی، لە کاریگەریی لە گەوراترین تووشهاتنەیل ڤایڕۆس کۆرۆنا لە وڵاتەگە.
دادگای تاوان سوون مووڵەت دا وە فەرمان دەسگیرکردن ''لی مان هی'' دامەزرێنەر و وەرپرس کلیسەی شینچیۆنگی یەسووعی، ک خوەی تایفەیگ نهینیە و پەیوەندیدارە وە زیاتر لە ٥٢٠٠ تووشهاتگ وە کۆڕۆنا لە کۆریای باشووری، یا ٣٦ لەسەد لە گشت تووشهاتنەگان.
''یونهاب'' وت: توومەتەگە وە گومان پیلانیگە ئەرا ''لی'' وەگەرد وەرپرسەیل تایفەگە ئەرا شاردنەوەی بەشیگ لە بەیاننامەیل ئەندامیەتی تایفەگە و ئەو زانیارەیلە ک پەیوەندی وەپیان دیرێد، لە وەخت لووتگەی بڵاوبوین بیماریەگە ک پەیوەندی وە تایفەگە دیرێد.
لەلاییگ تریش: گومان کریاگە ک ''لی'' دەور ٥،٦ ملیار وون لە پویل کلیسەگە دزی کردگە، وەگەرد خەرجکردن دەور ٥ ملیار وون ئەرا دروس کەردن پرستگایگ، و کۆبونەوە کردن ئاینی لە بینایل حکومەتی وەبی مووڵەت.
یونهاب وتیش: ''لی'' ده‌مه‌و شه‌وه‌كی ئه‌مروو شه‌ممه وەشیەوەی راستەخۆ دەسگیر کریا .