شوی خانمە پارێزەرەگە، رەزا خەندان، وە ئاژانس "فرانس" پرێس وتیە " ژنەگەم لە مەوقەی ئامادەبوینی لە وە خاسپاردن ئارمیتا گراوەند وەگەرد شمارەیگ فرە لە ئامادەبویەیلتر دەسگیرکریا"، وتیش " ستودە رویوەروی دەسوەشانن تونیگ بویە".

ئەوە دویەتە خوەنەوارە 17 ساڵانە خەڵک ناوچەیگ کوردیە، لە قەورسانیگ لە باشوور تەهران لە خاک نریا، لەدویای مردنی لە یەکیگ لە خەسخانەیل تەهران لەدویای چگنە ناو کۆماوە، لە سەرەتای مانگ تەشرین یەکەم.

ئاژانس خەوەری ئیرانی "فارس" شەو یەکشەممە، راگەیان، خانمە پارێزەر ستوودە " دەسگیرکریاس و رادەس لایەنەیل داگا کریاگە، وە توومەت حیجاب نەکردن و ئەنجامدان چالاکیەیلیگ  ئارامی دەروین کۆمەڵگە تێکدەێد".

ستودەی تەمەن 60 ساڵ خاوەن خەڵات "سخاروف"ە ئەرا ئازادی هویرەوکردن لە پەرلەمان ئەوروپا لە ساڵ 2012، لەماوەی چەن ساڵ گوزەشتە چەن جاریگ دەسگیرکریاگە.