شەفەق نیوز/ دوو کۆمپانیای دەرمانی، ئمڕوو دووشەممە، ئاشکراکردن لە تاقیکردنەوەی بیماری سەرکەفتگەیگ ئەرا چارەسەرکردن تووشهاتن مەترسیدارەیلیگ لە ڤایڕۆس کۆڕۆنا.
کۆمپانیای ریلیڤ ''سیڕابیوتیکس'' بارەگاگەی هالە جنێڤ، خاوەن داهێنان دەرمانەگە، وەگەرد کۆمپانیایگ ئەمریکی ئیسڕائیلی وەناونشان ''نیوڕۆ ئار ئیکس'' و هەمیش بەشداربویە لە گەشەپیدان دەرمانەگە لە ئەمریکا.
هەردوگ کۆمپانیاگا دووپاتکردن ک دەرمانەگە وەناونیشان ''ئاڕ ئیڵ ئێف-١٠٠'' یا ''ئەفیبتادێل'' توێنست تووشهاتنەیل مەترسیداریگ لە کۆڤید-١٩ وەماوەی سێ رووژ خاسەو بکەێد.
دەسەی خواردەمەنی و دەرمان ئەمریکی لە تەمووز گوزەیشتە مووڵەت وەکارهاوردنی دا لە وەختەیل فریاکەفتن لە چارەسەرکردن قەیرانەیل هەناسە ئەرا تووشهاگەیل ڤایڕۆس کۆڕۆنا.
دەرمانە نووەگە لەبان ٧٠ بیمار لە قۆناغ سەختیگ لە کۆڤید-١٩ وەکارهاوریا، لە قۆناغ دویەم لە تاقیکردنەوەی دەرمانەگە. وەگورەی رۆیتەرز.
دوو کۆمپانیاگە لە بەیاننامەی هاوبەشیگ وتن: راپۆرتە سەرەتاییەگە ئەرا وەکارهاوردن دەرمانەگە، خاسەوبوین زوینەیگ دەرخست.
وەگورەی بەیاننامەی کۆمپانیاگە؛ دەرمانە نووەگە توێنست پیاویگ خاسەوبکەێد لە تەمەن ٥٤ ساڵان و زیان لە نەشتەرگەری ئاڵشتکردن سویە دیرێد، ک تەنیا وەماوەی ٤ رووژ واز لە ئامێر هەناسەگە هاوردن.
و توێژینەوە کریەێد لە ئاست توانای دەرمانەگە وەگەرد تووشهاتگەیل کۆرۆنا ک مەترسییان کەمترە وزیان لە شکستی هەناسە دوینن.