شەفەق نیوز/فرانسیسکا سۆسانۆ ک وە گەپترین وەتەمەن و دۊیاترین کەس شمارە کریەد ک لە سەدەی ١٩یەمین لە داڵگبۊیە، لە وڵات فلیپین لە تەمەن ١٢٤ ساڵی دۊیا کووچی کرد.
وەگورەی هەواڵ ماڵپەڕ "زە سەن" بەریتانی، فرانسیسکا ئیوارەی رووژ دوشەممە، ٢٢ تشرین دۊیەم ٢٠٢١ دۊیاکووچی کردیە، وەرپرسەێل وڵاتەگە لە هەرێم کابانکالان هەواڵ مردنەگەی پشتڕاس کردن.
ئی ژنە لە گوزەشتە وە گەپترین وەساڵاچی لە جەهان هەشمارکریا، ئێ شمارە وەلایەن وەڕێوەبەرەێل کتاو گینس لێکۆڵین لەلی کریا.
بەڵگەنامەێلە ئۊشن ک لە ١١ ئەیلوول ١٨٩٧ لەداڵگبۊیە، ساڵیگ وەرجەوەگ ئیسپانیا واز لە حوکمڕانی فلیپین بارێد.
فرانسیسکا لەباوەت نهێنی تەمەندرۊژیگەی وتییە، تۊنن سیستم خوەراکی رووەکی جیوەجی بکەن، گووشت کەمیگ بخوەن و گووشت وەراز نەخوەن، نەنوشین مەی ڕۆل گرنگیگ دیرێد ئەرا دیرخستن وەساڵاچۊن.