شەفەق نیوز/ لەسەدەی ١٤   ئیسە ئەرا یەکەمین جارە  رێژەی دانیشتگەیل زەۊی لە ئایندە هالە نزمبۊین  و پسپۆڕیگ باس لە هووکار و فاکتەرەگانی کەێد.    

وەگورەی ماڵپەڕ "لادس بایبڵ" راپۆرتەگە وەی جۊرەس:    

ئیسە نزیکەی ٧.٨ ملیار ئایەم هالە رۊی زەوی و  ئێ شمارە پیشبینی کریەێد لەساڵ ٢٠٦٤  بڕەسێدە لوتگە.    

وەگورەی تۊیژینەوەی نوویگ لەگۆڤار" The Lancet" بڵاووە، دانیشتووان رەسێدە ٩.٧ ملیار کەس و دۊیای ساڵ ٢١٠٠  کەمەو بوود ئەرا  ٨،٨ ملیار کەس.    

"ستین ئمیل ڤۆڵسێت" وەرێوەبەر تۊژینەوەگە لە ناوەن جەهان تەندروسی و گەشەسەندن، زانیاری هۊرد لەبان ئێ تۊژینەوە ئاشکەرا کرد .    

ئێ پسپۆرە راگەیان" کۆتا جار ک دانیشوان جەهان کەم بۊیە لە سەدەی١٤ دا بۊیە، ک هووکارەگەی بڵاوبۊین پەتای تاعون بۊیە.    

ئەگەر پیشبینیەگان راس بوون  ئەوە بوودە یەکەم جار وەچە خسنەوە لە کەمبۊین بۊیە، وەپێچەوانەی روداوەگان بیماری کۆرۆنا و ورسگی.    

باواجی شایەت دانیشتگەیل ٢٣ وڵات ٪٥٠ لە فراوانبۊین بوون.    

وڵاتەیل جۊر( ژاپۆن، تایلاند، ئیسپانیا، پرتوگال، و کۆریای باشوور).    

تەنانەت وڵات چین ک دانیشتوان فرەیگ دیرێد، لەساڵ ٢٠١٧ ، ١.٤ ملیار کەس لەناوی ژیا، کریەێد لە ساڵ ٢١٠٠  کەم بوودەو ئەرا ٧٣٢ ملیۆن دانیشتوان.    

ڤۆڵسێت" وتیش دو فاکتەر لەپشت ئیەن، ئەوانیش فامستن لە  جەهان مۆدێرن وەگەرد چۊینیەتی پەروەدەکردن دۊیتەیل و خانمەیل"    

وتیش " ئی فاکتەرەیلە کار لە رێژەی وەچە خسن کەێد، رێژەی زاین کەم بوود ک هیلێد هەر  دالگیگ تەنیا ١.٦٦ منداڵ بارێد تا ساڵ ٢١٠٠.