شەفەق نیوز/ لە ناوچەی فەتحییە لە پارێزگای موغلاى وڵات تورکیا، (32) کووچبەر نایاسای دۊای پەککەفتن بەلەمە لاستیکییەگەیان و نزیکبۊنیان لە کەناراوەیل ناوچەگە، رزگار کریان.       

تیمەیل فەرماندەیی ھێزەیل ئاسایش کەناراوەیل تورکیا راگەیان: دۊای ئەوەگ زانیاری رەسیە پیان ک بڕێ کووچبەر نایاسایی لەوەر پەککەفتن ماتۆری بەلەمە لاستیکییەگەیان رەسینەسە کەناراوەیل ئەو ناوچە، دەس کردنە جۊلە. 

وتیش: تیمە پەیوەندیدارەیلە تۊنستن (32) کووچبەر نایاسایی لە ناو ئەو بەلەمە لاستیکییە رزگارببکەن. 

هەرچەن  بە ناسنامەى کووچبەرەیلە نەکریاگە، باوجی دۊای تەواوبۊین ریکارەیلە، کووچبەرەیلە دریانە دەس وەڕێوەبەرایەتی فەرمانگەی کووج لە پارێزگاگە.