شەفەق نیوز/ لەوەر گرانی نرخ خوەراك و سیاسەت ئەڵمانیا ئەرا نواگردن كەمیی گاز سروشتی، لە ولایەتەیل خوەرهەڵات ئەو وڵاتە، خەڵكەگە رشیانە ناو جادە و لەبان گرانی نرخ خووراك و گاز سروشتی.

دویای جەنگ ئۆكراینا و رووسیا نرخ خوەراك و گاز سروشتی لە وڵاتەێل ئەوروپا فرە گران بویە، ک ئەڵمانیایش یەكیگە لەو وڵاتەیلە، وەتایبەت هەنای ڕووسیا کلکردن گاز سروشتی ئەرا ئەڵمانیا و چەن وڵاتیگ تر وسان، دی قەیران گاز سروشتی دەسوەپی کرد.

خوەنشاندەرەیل داوا لە حكومەت ئەڵمانیا كردن، سزا لەبان ڕووسیا هەڵفرێد، تا ڕووسیایش گاز سروشتی وەرەو ئەڵمانیا کل بکەێد و نرخەگە جویر جارانی باێدەو.

وەگورەی مدیایل ئەڵمانیا، شمارەی خوەنشاندەرەیل هەزاران كەس بویە، لە ولایەتەیل جیاجیا، باوجی وەبی هویچ گرفتیگ خوەینشاندانەگە تەواو بویە.