شەفەق نیوز/ بەلەمیگ کووچبەرەیل لە کناراوەیل ئیتالیا نقومبوی و 21 سەرنشین بی سەروشوین بوین.
پاسەوان دەریایی ئیتالیا راگەیاندیە، بەلەمەگە لەدویرگەی لامپێدوسای ئیتالیا نوقومبویە، توەنریاس تەنیا هەفت کەس قورتاربکرێد 21 کەس بیسەروشوینن.
باس لەوەشکرد، ئەو کەسەیلە لەناو بەلەمەگە بوینە فرەیگیان خەڵک سووریان و سێ مناڵیش هاناویان و ئەو کەسەیلە قورتارکریان هانە بارودۆخ سەختیگ چوینکە فرەیگیان ئەوکەسەیلە لەدەسدانە وەگەردیان بوین لەناو بەلەمگە.
وەپای ئامارەیل ناودەوڵەتی لە ساڵ 2023 سێ هەزار کووچبەر بیسەروشوین بوینە.