شەفەق نیوز/ ریبەر باڵا لە ئیران، عەلی خامەنائی، ئمڕوو سێشەممە، هەڕەشەی سزادان ئیسرائیل دا، لەبان پەلامارەگەی باڵیۆزخانەی ئیران لە دیمەشق، کە بویە هوکار کوشیان فەرماندەیلیگ سەربازی ناودیار لە سوپای پاسداران.
خامەنائی لە بەیاننامەیگ وت: ئەوەسا زایۆنیزم لەبان ئەو تاوانە لەبان بەش قونسوڵخانە لە باڵیۆزخانەی ئیران لە دیمەشق پەشیمانەو بوون، و ئەوەسا وەدەس پیاوەیلمان سزا دریەن.
دویەکە دووشەممە، ئیسرائیل گورزەیلیگ وەبان نوێنەرایەتی ئیران لە دیمەشق وەشان، کە بویە هوکار کوشیان دیبلۆماسکار و فەرماندەیلیگ لە سوپای پاسداران ئیران.
سەرچەوەیلیگ ئاگادار سوری، وە ئاژانس شەفەق نیوز خەوەردان لە کوشیان وەرپرسیگ لە سوپای پاسداران ئیران وەناو محمد رەزا زاهدی و پەنج کەس ترەک.