شەفەق نیوز/ عەلی خامەنەئی ریبەر باڵای ئیران، ئمڕوو جمعە، دووپات کرد کە هەڕەشەیل ئەمریکا وەبان ئیران بیخودە، ئەوەیش لە شوین هوشداریکردن دۆناڵد ترەمپ سەرۆک ئەمریکا، لە ئەگەر جیوەجیکردن کاریگ سەربازی وەبان ئیران.

 خامەنەئی لە وتاریگ تەلەڤزیۆنی وت: بایەسە ئەمریکیەیل بزاننن کە هەڕەشەیلیان بیخودە لەنوای ئیران، و دووپات کرد کە هەر جویلەیگ زەرەد وە نەتەوەی ئیرانی بڕەسنێد، وەڵام سەختیگ دوینێد.

وتارەیل خامەنەئی دویای ڕاپۆرتەیلیگ هات کە ئویشن؛ ترەمپ پەیامیگ کل کردگە دەرفەت دوو مانگ لەناوی دیاری کردگە تا بڕەسنە رێککەفتن ئەتۆمی نوویگ، وەگەرد هەڕەشەی کاریگ سەربازی ئەگەر تەهران پەڵپ ئەمریکا وەجی نارێد.

  ترەمپ لە دیداریگ تەلەفزیۆنی وت: واشینتۆن ری وە ئیران نیەێد تا بوودە خاوەن چەک ئەتۆمی، و دووپات کرد کە کاریگ وەی نزیکە رویدەێد، لە دەسنیشانکردن ئەگەر پەلامار سەربازی.