شەفەق نیوز/ ریبەر ئیرانی عەلی خامەنەئی، ئمڕوو دووشەممە، لەنان ئەو ناڕزاییەیلە لە ئیران هاتە دەنگ، ئەوەیش لە یەکەمین دیاردانی، لەوەخت دەسکردن ناڕەزاییەیل لە ناوڕاس ئەیلوول گوزەشتە تا ئیسە.
میدیای راگەیانن ئیرانی وتن: خامەنەئی ئمڕوو لە ئاهەنگ دەرچگن هاوبەشی ئەرا خوەنەوارەیل زانکۆیل و ئەفسەرەیل هیزە چەکدارەیل لە زانکۆی ئیمام حەسەن موجتەبا ئەرا سەربازی لە ئیران ئامادە بوی.
خامەنەئی لە وتاریگ لە ئاهەنگ نمایشکردنەگە وت: مردن مەهسا ئەمینی وە سەختی دڵم تەرکان، وتیش: مردن ئەو دویەتە مەهسا ئەمینی دڵگران گشتمان کرد، باوجی دەرکەفتن کاردانەوەی وەبی چەوەڕیکردن لێکۆڵینەوەیل کاریگ ئاسایی نییە.
خامەنەئی وتیش: کارەیل ئاژاوە و شیوانن ئاسایش مەردم و پەلامارداین قورئان ومزگەفتەیل و حیجاب وبانکەیل وماشینەیل کاریگ بویە ک پلانیگ وەرین داشتگە.
وتیش: گەل ئیران لە رویداوەیل دویایین وە هازدار دەرکەفت، و ئەوەسا لە بانانیش نوای هەر تەقەلایگ لەلایەن دوژمن ئەرا ئامانجکردن وڵاتەگە گرێد، وتیش: کاردانەوە وەبی تەواوبوین لێکۆڵینەوەیل لە مردن مەهسا ئەمینی ودەسکردن وە ژاوەژاو کاریگ ئاسایی نییە و پلان ئەرای نریاس.
وتیش: راگەیانن خەفەتباری واشینتۆن ئەرا مردن ئەو دویەت ئیرانیە کاریگ راسی نییە، و دەسپیچگە ئەرا دروسکردن قەیرانیگ لەناو وڵاتەگە، وتیش: کارەیل ئاژاوە و شیوانن ئاسایش وڵاتەگە پڕۆژەیگ ئەمریکی سەهیۆنستیی بویە وە بەشداریکردن سیخوڕەیلیان.
یەکەم ناڕەزایی دویای ماڵئاواییکردن لە تەرم مەهسا ئەمینی لە سەقز بوی، لە هەفت ئەیلوول گوزەشتە، ک ژنەیل وە لەچگ سەریان وەرەو ئاسمان بەرزەو کردیان.
دەسەڵاتەیل ئیران، باس ئەو ناڕەزایلە ک یە سێیەم هەفتەس خوەینشاندان کەن، وە ئاژاوەنەر کەن.
٤١ کەس لەلای کەمەو وەدەس هێزەیل ئەمن ئیرانی کوشیان، ئەوەیش لەناو وەردەوەردیگ لە رووژ جمعە لە زاهدان لە پارێزگای سیستان و بلوشستان، لە باشوور خوەرئاوای ئیران، وەگورەی راگەیانن ریخریاگ ماف مرۆڤ لە ئیران ک بارەگای هالە ئۆسلۆ.