شەفەق نیوز/ عەلی خامەنەئی ریبەر باڵای ئیران، ئمڕوو چوارشەممە، وت: ئەوەگ لە سوریا رویدا لە رمانن رژیم ئەسەد و زاڵبوین باڵە چەکدارەیل لەبان دەسەڵات لە وڵاتەگە، لە ژوورەیل سەرکردایەتی ئەمریکا و ئیسرائیل پلانی کیشیاس.
خامەنەئی لە وتاریگ کە ئاژانس شەفەق نیوز چەودیاریی کرد وت: نەبایەس دوودڵ بویمن بووە کە رویداوەیل سوریا لە ئەنجام پلانیگ ئەمریکی و زایۆنیستی هاوبەش هات، بەڵی، رۆڵ ئاشکرایگ لەلایەن یەکیگ لە دەوڵەتەیل هاوسای سوریا بویە، کە ئەو رۆڵە بازی کرد و ئیرنگەیش بازیی کەێد، و گشتی یە زانێد، باوجی ئەوان کاریگەر سەرکیین.
دیاریکرد کە خاوەن پیلان و نەخشەی پلان سەرەکی و ژوور کۆنترۆڵکردن سەرەکی هالە ئەمریکا و قەوارەی زایۆنیستی، و بەڵگە لەبان ئەوە دیریمن، و ئی بەڵگە هویچ جییگ ئەرا گومان و دوودڵی نیەیلێد.