شەفەق نیوز/ وەڕیەوبەرایەتی تەندروسی پارێزگای هەولێر پایتەخت هەرێم کوردستان، ئمڕوو پەنجشەممە، خاسەوبوین یەکجاری ٦٧ تووشهاتگ لە ڤایڕۆس کۆڕۆنا راگەیان.
دلۆڤان محمد وەڕیەوبەر گشتی تەندروسی هەولێر لە بەیاننامەیگ ك رەسیە ئاژانس شەفەق نیوز وت: ٦٧ تووشهاتگ وەیەکجاری خاسەوبوین لە پەتاگە، و دەرچگن لە خەسەخانە و چینەو وەرەو ماڵەیلیان.
محمد دیاری کرد ک وەی ژمارەی خاسەوبویەیلە له ئامار گشتی تووشهاتگەیل ک وەیەکجاری لەپەتاگە قورتار بوینە لە هەولێر لە وەخت دەرکەفتن پەتاگە رەسیە ٤٢١ کەس.
ئەیە لەوەختیگ تیەێد ك ژمارەی توشهاتگەیل وە ڤایڕۆس کۆڕۆنا لە هەرێم کوردستان رەسیە ئەرا زیاتر لە ٢٥٠٠ تووشهاتگ.