شه‌فه‌ق نیوز/ ئی رووژگاره ئه‌ر ژنه‌فتن ک خای مامریش فڕ گرتگه، سه‌رتان سڕ نه‌مینێ.
ده ئێران،خای مرخیش، جوور مرخ باڵ دگرێ.
وه‌ی هساو بایه‌د بیشیمن ک "خا"ییش له بان سفره‌و سه‌وه‌ته‌ی بنه‌ماڵه‌یل ئێرانی، فڕ گرتگه. ئه‌و دۊمای دۊمای گرانی بیس تا سی له نان، دی که‌سێ نه‌دوێرێ مکیس که‌سێ وه نان و خا و رۊنێگیش بکه‌ێ.
ئی هه‌فته ک چگ، خای مرخ ماشینی له شانێ بیس هزار تمه‌ن باڵ گرت ئه‌ڕا سی و هه‌فت هزار تمه‌ن.
ره‌ییس سندیکای باڵنده و ماسی ک خافرووشه‌یلیش هانه ژێرده‌سێ وت: ئی گرانییه وه بوونه‌ی واز کردن ده‌رانه‌یل سادرات وه ده‌ره‌‌وه‌ی ئێران بییه.
له راسی دیار نییه کێ دخوازێ؟ که‌ی وه ئی هه‌یس و به‌یسه ک په‌سا ناوقوڕه‌ی مه‌ردم ئێران، جه‌ڕ دده‌ێ، سه‌ر و سامان بده‌ێ.