تووڕ سکای نیوز بەریتانیا گرتە ڤیدیۆییەیل ئەو گڕکانە بڵاو کرد کە ئمڕوو دووشەممە (22.17 GMT) لە نیمچە دورگەی ڕیکیانس دەس وە هەڵپووقیان کردیە، دویای زنجیرەیگ زەویلەرزە وەگورەی دامەزراوەی کەشناسی ئایسلەندا.

کولیانە پڕشنگدارەگە لە زەویەو هەڵسیاس لەناو زەنگیگ دەرچوود کە درویژییەگەی نزیکەی دوو میل (زیاتر لە ٣ کیلۆمەتر) بوی.

 ئاژانس فرانس پرێس بڵاو کرد کە ئایسلەندا 33 گڕکان گورج دیرێد، کە بەرزترین شمارەس لەبان کیشوەر ئەوروپا.  تا ماوەی ٨ سەدە نیمچە دورگەی ڕیکجانێس دویر بویە بە هویچ تەقینەوەیگ گڕکانی،  وەرجە ئەوەگ ئی خەفتنە لە مانگ ئازار ٢٠٢١ کۆتایی باێد.

 چالاکیی گڕکانەیل لە نیمچە دوورگەگە دەس وە زیایبوین کرد و دویەم تەقینەوە لە مانگ ئاب ٢٠٢٢ و تەقینەوەی ترەک لە تەمموز ٢٠٢٣ ڕوییدا.

 وەگورەی ئاژانس فرانس پرێس، لەزوان  زانایل گڕکان، هاتێ دەسکردن وە جمەی گڕکانەیب سەرەتای سەردەمیگ نووو گورجی زەویلەرزە لە ناوچەگە بوود.

ئایسلەندا کەفێدە باکوور زەریای ئەتڵەسی، و لەبان زنجیرە کویلیلە لە رزبەن ناوڕاس زەریاگە درویژەو بوود، کە زەنگیگە لە بن زەریاگە کە پلاک تەکتۆنیکی ئۆراسیا و ئەمریکای باکوور جیاوە کەێد .

 دویای تەقینەوەی گڕکانەگە لە رووژ دووشەممە، سەرۆک ئاوای توورلاسیۆس جۆهانسۆن لەبان پلاتفۆرم ئێکس نویسان: "ئیسە چەوەڕێی ئەوە کەیمن بزانیمن هازەیل سروشت چە لەنوایان هەس"، وتیش؛  مقیەتیکردن ژیان و دامەزراوەیل لە پیشینەی کارەیلە.