شەفەق نیوز/ ژەنیڕاڵ عەلی شەمخانی سڵاکار عەلی خامەنەئی ریبەر ئیران و ئەندام دیاریکردن بەرژەوەنی رژیم کەفتە وەر رەخنەیی تیژیگ لەوەر ئەو پویلە کە لە سویر (ستایش) دویەتی خەرجی کردگە.
میدیایل راگەیانن ئیرانی مكيسيگ وەلایەن شەمخانی ئەرا وەرپرسەیل دەرخستن کە داوا لەلیان کەێد لە هوتێل (ئەسبیناس باڵای) ئامادەی سویر دویەتەی بوون، کە لە گرانترین هوتێلەیلە لە باکوور تەهران.
یەدولڵا حەبییبی نوێنەر وەرین خامەنەئی لە وەزارەت وەرگری لە رووژنامەی کۆمار ئیسلامی وت: خوازم وە شەمخانی بویشم کار ئابووری جی خوەی دیرێد کە خوەم وە یەکەم کەس دوینم کە تەمەی ئەوەکان کەم.
وتیش؛ باوجی ئاغا شەمخانی خوەییش زانێد مەردم چوین نووڕن، دی ئەڕا گلەیی لە مەردم کەێد کە لە هەر شوینیگ باس خوەی و مناڵەیلی کەن؟.
قەبوول نییە کە مەردم تا تەواوبوین ژیانیان وەپییان نیەکریەێد ماڵیگ بسینن، و ئاهەنگ سویر دویەت تو لەناو هوتێل گرانیگ بوود.
لەلای خوەییش سایت "انتخاب" وە سویر دویەتەی شەمخانی وت: سە رسوواییە، کرای هۆڵەگە وەگورەی مووچەی ٢٠٠ مانگ کراکاریگ ئیرانیە.