شەفەق نيوز - سەنعا

هیزە چەکدارەیل یەمەنی سەروە گرووپ ئەنسارولڵا (حووسیەیل)، ئمڕوو شەممە، جیوەجیکردن ئۆپراسیۆنیگ سەربازی راگەیان وەبان ئامانجیگ ناسک ئەرا سوپای ئیسرائیل لە ناوچەی بیر سەبع وە مووشەکیگ بالیستی لە چین زوڵفەقار، دووپاتیش کرد کە وە سەرکەفتن رەسیە ئامانج خوەی.

 لە بەیاننامەیگ وت: ئۆپراسیۆنگە ئەرا پشتگیریکردن ستەمدیدەیی گەل فەلەستین و موجاهیدەیلی تیەێد، و لە وەڵامدان تاوانەیل سەهیۆنی وەبان مەدەنیەیل لە کەرت غەززە.

 بەیانامەگە وتیش: هیزەیل چەکدار لە هەفتەی گوزەشتە چەن ئۆپراسیۆنیگ سەربازی لەبان شوین و دامەزراوەیل سەربازی ئیسرائیل لە بیر سەبع، یافا، حەیفا جیوەجی کردنە وە مووشەک بالیستی و درۆن، و دووپات لە سەرکەفتن ئی ئۆپراسیۆنەیلە کرد.

ئەو هیزەیل یەمەنیە لە کۆتایی بەیاننامەگە دووپات کردن لە وەردەوامی لە ئۆپراسیۆنەیل پاڵپشتیکردن، تا وسانن  دوژمنایەتی لەبان غەززەڕ دووپاتیش کرد کە یەمەن واز لە ئەرکەیل ئاینی و مرۆیی وەرانوەر گەل فەلەستین واز نیارێد.