شه‌فه‌ق نيوز/ جه‌ماعه‌ت ئه‌نساروڵڵا(حوسيه‌يل)، ئاشكراى ئه‌وه كردن بنگه‌ى ئاسمانى مه‌لك خالد له ناوچه‌ى عه‌سير له باشوور خوه‌رئاواى سعوديه وه چه‌ن ته‌ياره‌يگ بى ته‌ياره‌وان گرتنه‌سه ئامانج.
له‌و باوه‌ته‌و، عه‌ميد يه‌حيا سه‌ريع قسه‌كه‌ر وه‌ناو جه‌ماعه ئه‌نساروڵڵا، له به‌ياننامه‌يگ له‌بان لاپه‌ڕه تايبه‌ته‌گه‌ى خوه‌ى له فه‌يسبوك وت: هيز ئاسمانى وه ته‌ياره‌يل بى ته‌ياره‌وان قاسف(كا2) دو په‌لامار ئه‌نجام دانه ئه‌را بان بنگه‌ى ئاسمانى مه‌لك خالد له خه‌ميس مشيت.
يه‌حيا هه‌ميش وت: كرده‌وه‌ى يه‌كه‌م سيسته‌ميگ په‌يوه‌نديه‌يل سه‌ربازى گيرياسه ئامانج و كرده‌وه‌ى دويه‌ميش عه‌مباره‌يل و ويستگه‌يگ سوزه‌مه‌نى له بنگه ئاسمانيه‌گه گيرياسه ئامانج، ئه‌ويش له ئه‌نجام تاوانه‌يل وه‌رده‌وام دوشن و گه‌مارۆ وه‌رده‌وامه‌گه‌ێ.