شەفەق نیوز ـ وەدویاچگن
سەرچەوەیگ سەربازی سەر وە گرووپ ئەنساروڵڵا حوسییەیل لە یەمەن، ئمڕوو سێشەممە، خەوەر دا لە پەلاماریگ نوو لە ناو خاک سعودیە.
سەرچەوەگە وەپای ئاژانس "سەبا" وت: گرووپ حوسی وە چەن دڕۆنیگ پەلامار پاڵاوگەی ئارامکۆ لە جیزان دایە.
ئەوە یەکەم جار نییە کە پاڵاوگەگە تویش پەلامار بوود، لە وەختیگ تا ئیسە هویچ پشتڕاستکردنەوەیگ وە لایەن لایەن سعودیەو نەهاتگە ئەرا گورزەیل کۆتایی.
قسەکەر سەربازی وەناو حوسییەیل یەحیا سەریع، دویەکە دووشەممە، خەوەر دا لە پەلاماردان بەلەمیگ داوەزانن سەربازی سەر وە سعودیە و 4 بەلەم سەربازی کە وەگەردی بویە وە چەن مووشەکیگ بالیستی لە دەریای سوور لە کەناراوەیل مۆخا.