شەفەق نیوز- ریاز
گرووپ ئەنسارولڵای حوسی، رووژ چوارشەممە، راگەیان کە کومپانیای ئارامکۆ و پاڵاوگەیگ سەروەپی لە ریاز کردنەسە ئامانج، بیجگە لە فڕۆکەخانەی ناودەوڵەتی مەلیک خالید لە سعودیە.
قسەکەر سەربازی وەناو گرووپەگە وت، کە ئۆپەراسیۆنەیل کومپانیای ئارامکۆ لە زەهران، و فڕۆکەخانەی ناودەوڵەتی مەلیک خالید، و پاڵاوگەی ئارامکۆ لە ریاز کردنەسە ئامانج، و دووپات کرد کە پەلامارەیل ئایندە فڕۆکەخانە و دامەزراوە نەفتییەیل کەنە ئامانج.
لە چوارچیوەیگ پەیوەندیدار، کەناڵ "مەسیرە"ی سەر وە حوسییەیل، خەوەر دا لە ئەنجامداین چوار گورز ئاسمانی لەبان وەڕیەوبەرایەتی حەریب لە پارێزگای مەئریب.
لە لای خوەیەو، قسەکەر وەناو هیزەیل هاوپەیمانی راگەیان لە ریگری و وێرانکردن مووشەکیگ بالیستی کە گرووپ حوسی وەرەو پایتەخت سعودیە ریاز تەقەی کردگە.
لە وەختیگ هاوپەیمان پاڵپشتی شەرعییەت وە سەرکردایەتی سعودیە لە یەمەن، ئیوارەی دۊکە سێشەممە، ئەمماریگ سەر وە حوسییەیل لە رەئس عیسا لە حودەیدە کوتان، وەپەی سەرچەوەیلیگ سعودیی کە ئامرازەیل راگەیانن بڵاوی کردن.