شەفەق نیوز/ حزبوڵڵای لوبنان، ئمڕوو سێشەممە، پەلاماردان شار تەل ئەبیب ئیسرائیل وە مووشەک راگەیان.

حزبەگە کە کەفتە ناو جەنگ هشکایی وەرد سوپای ئیسرائیل لە شەفەق ئمڕووەو، وت: لە چوارچیوەی ئۆپراسیۆنەیل (خەيبەر) و لە وەڵامدان وەئامانجگردن مەدەنییەیل و ئەو کوشتارەیلە وەلایەن دوژمن، و وە هاوار (لبيك يا نصر الله)، وەرخودان ئیسلامی بڕیگ مووشەک فادی 4 وەشان.

حزبەگە لە بەیانامەیگ کە ئاژانس شەفەق نیوز لەلی ئاگادار بوی وتیش: مووشەکەیل سەربازگەی گلیلۆت سەروە یەکەی هەواڵگری سەربازی 8200 و بارەگای مۆساد لە دەورگرد تەل ئەبیب کردنە ئامانج.