شەفەق نیوز/ حزبولڵای لوبنان، ئمڕوو دووشەممە، پەلاماریگ وە فڕۆکەی بێفڕۆکەوان وەبان بارگەیگ سەربازی ئیسرائیلی جیوەجی کرد، لە وەڵامدانی وەبان ئۆپراسیۆنیگ کوشتن لە باشوور لوبنان.
حزبەگە لە بەیاننامەیگ کە ئاژانس شەفەق نیوز نووڕیەی وت: جەنگاوەرەیلی پەلاماریگ ئاسمانی وە بڕیگ فڕۆکەی بێفڕۆکەوان وەبان بارگەی فەرماندەیی نوو لە بەرەی خوەرهەڵات لە فیرقەی جەلیل جیوەجی کردن، بینای فەرماندەیی و شوین ئەفسەر و سەربازەیل کردنە ئامانج.
بەیاننامەگە وتیش: ئاگر لە بارەگاگە هیز گرد، و شمارەیگ لە سەربازەیل دەژمن لە زەخمدار و کوشیاگ کەفتن، وتیش: ئی پەلامارە لە وەڵامدان کوشتن کەسیگ وەلایەن دوژمن ئیسرائیلی لە ناوچەی زەراریە باشوور لوبنان هات.
حزبەگە وتیش؛ کەرەستەیل سیخوڕی لە ناوچەی مالکیە دریا وەر تووپ، وەگەرد گردەوبوین سەربازەیل دوژمن ئیسرائیلی لە خلە وەردە وە مووشەک.
هەمیش وت: ئامێریگ سەربازی ئیسرائیل وە مووشەک کریا ئامانج لە کویەی عەداسر، کە زبێانب کرد و یوسا و تیمەگەی لە زەخمدار و کوشیاگ خست.