شەفەق نیوز/ حزبولڵای لوبنان، ئمڕوو شەممە، پەلاماردان ناوچەی "متسوفا" و "معالوت" باکوور ئیسرائیل وە زیاتر لە 50 مووشەک راگەیان.

وەرخودان ئیسلامی (حزبوڵڵا) لە بەیاننامەیگ وت: جەنگاوەرەیلی پەلامار ناوچەی معالوت 50 وە مووشەک دا. 

لە بەیاننامەیگ ترەک، حزبەگە وتیش؛ جەنگاوەرەیلی ئمڕوو شەممە، پەلامار ناوچەی متسوفا وە بڕیگ مووشەک دا.

دیاری کرد کە ئەوە ئەرا پشتگیریکردن گەل فەلەستینی خوەیڕاگر لە کەرت غەززە، و لە بنەمای وەرخودان ئازا و شەریفی، و وەرگریکردن لە لوبنان و گەلی، و وەڵامدان لە دوژمنایەتیی وەحشیانەی ئیسرائیل وەبان شار و ئاوایەیل مەدەنی.

میدیایل وتنیش؛ فیکەی هوشداری لە سەفەد و باکوور تەبەریا و بیریا و کەرەم بن زمرە و کادیتا و عمیعاد و تسبعون دویای بڕە مووشەکەگە کوتیا.