شەفەق نیوز/ حزبوڵڵای لوبنان، ئمڕوو شەممە، پرسەی حەسەن نەسرولڵا ئەمیندار گشتی حزبەگە کرد، کە وەیەوە دووپات لە راگەیانن سوپای ئیسرائیل لەی باوەتە کەێد.

وەرجەیە، ئەفیخای ئەدرعی قسەکەر سوپای ئیسرائیل، راگەیان کە ئەو گورزە لەبان کەرت باشوور بەیروت رەسیە کوشتن حەسەن نەسرولڵا.

حزبوڵڵا لە بەیاننامەگەی وت: حەسەن نەسرولڵا چگە لای خودای خوەی، و شەهید بوی.

وتیش: ئەمیندار گشتی رەسیە لاس هەڤاڵەیلی لە شەهیدە مەزنە نەمرەیل کە نزیکەی سی ساڵ ریبەرییان کرد، لە سەرکەفتن ئەرا سەرکەفتن، کە ریبەر وەرخودان ئیسلامی لە ساڵ 1992 تا ئازادکردن لوبنان 200 و تا سەرکەفتن خودایی 2006 و گشت جەنگەیل شەرەف و قوربانی، تا رەسێدە جەنگ پاڵپشتیکردنی و پاڵەوانی ئەرا فەلەستین و غەزە و گەل ستەمدیدەی فەلەستین.