شه‌فه‌ق نيوز/ ماڵ چه‌رمگ ئاشكراى ئه‌وه كرد ك حاڵه‌ت ته‌ندروسى دوناڵد تره‌مپ سه‌رۆك ئه‌مريكا فريه خاسه له‌ئاكام تاقيكردنيگ پزيشكى ك ئه‌راى ئه‌نجام درياگه‌و چوار سه‌عات دريژه داشتگه.
له‌ى باوه‌ته‌و، شون كونلى پزيشك له به‌ياننامه‌يگ ك له‌لايه‌ن ماڵ چه‌رمگه‌و بڵاو كريا وت: خوه‌شاڵم ئاشكراى بكه‌م ك سه‌رۆك وڵاته‌يل يه‌كگرتگ له حاڵه‌ت ته‌ندروسى خاسيگ ژيه‌ێد و پيشبينى يه‌يش ئه‌كه‌م تا ماوه‌ى سه‌رۆكايه‌تيه‌گه‌ێ ته‌واو ئه‌دێ وه‌و جووره بمينێد.
جى باسه، يه‌يش له وه‌ختيگه ك تره‌مپ دويه‌كه دوياى نيمه‌ڕوو سه‌ردان نه‌خوه‌شخانه‌ى وۆڵته‌ر ريد سه‌ربازێ كرد له نزيك واشنتۆن له‌وه‌ر ئه‌نجامداين تاقيكارێ پزيشكى، يه‌يش له‌وه‌ختيگ نه شه‌راو خوه‌ێد و نه‌يش جغاره كيشێد، وه‌لێ ته‌نيا كوكا كولا لايت فريه‌يگ ئه‌خوه‌ێد وه‌ل كه‌ميگ خواردن زيايه.