شەفەق نیوز/ حکومەت ئۆکراینا راگەیان، وەگەرد رووسیا رێکەفتنە لەبان وازکردن ١٠ رێڕەو مرۆیی لە ناوچە زەرەدمەنەیلە لەوەر ئۆپەراسیۆنە سەربازییەیل رووسیا.
جیگر سەرۆک وەزیرەیل ئۆکراینا، ئایرینا ڤێریچۆک راگەیان، وەگەرد رووسیا رێککەفتن لەبان وازکردن ١٠ رێڕەو مرۆیی ئەرا دەربازبۊن دانیشتگەیل ناوچە ئاخڵەدریاگەیل.
ئایرینا ڤێریچۆک ئاشکەرای کرد، ئەو رێڕەوە مرۆییەیلە لە شارەیل ماریۆپۆل و چەن رێڕەویگ لە کیێڤ و ئەوانەگتر لە هەرێم لۆهانسک بوود.
جیگر سەرۆکوەزیرەیل ئۆکراینا ئاشکەراکرد، پلان دیرێد ئەرا رەسانن دەسمیەتی مرۆیی وە شار خێرسۆن ک ئیرنگە هانە ژیر کۆنتڕۆڵ هێزەیل رووسیا.