شەفەق نیوز/ حیزب بەعس لە سوریا کە زیاتر لە پەنجا  ساڵە باڵا دەسە، لەدویای چەن رووژیگ کە کوتلە  ئۆپۆزسیۆنەیل رمانن رژێم بەشار ئەسەد راگەیانن، کار و چالاکیەیلی حیزبەگە وسان.

ئەمیندار گشتی یاریدەر حیزبەگە ئیبراهیم حەدید  لە بەیاننامەیگ راگەیان "سەرۆکایەتی ناوەنی حیزبەگە بڕیاردا وە وسانن کار و چالاکیەیل حزبەگە وە گشت جویرەیگ تا راگەیاننیگ ترەک، هەمیش گشت ئامێر و ماشینەیل و چەکەیلە رادەس وەزارەت ناوخوەی کرێد، و گشت مولک و پویل حیزبەگە گشتی لەژیر سەرپەرشتی وەزارەت دارایی بوود، وە مەرجیگ لەژیر چەودێری بانک ناوەندی سوریابوود".

رووژ دووشەممەی وەرین، ئیبراهیم حەدید راگەیان پاڵپشتیکردن لە حیزب بەعس ها لەژیر قۆناغ "گواستنەوە" لە سوریا، وتیش: "پاڵپشتی قۆناغ گواستنەوەکەیمن لە سوریا  وە ئامانج بەرگیریکردن لە یەک رزی وڵات و زەوی و گەل و داموزەگا و  بنکەیل".

‎