شه‌فه‌ق نيوز/ سه‌رچه‌وه‌يگ سه‌ربازى يه‌مه‌نى باس له شيوازه‌يل خه‌ته‌رناكترين پيلانيگ كرد ك فه‌ريق عه‌لى محسن ئه‌لئه‌حمه‌ر جيگر سه‌رۆك يه‌مه‌نى له‌ى قورتار بويه‌و ده‌وڵه‌تى ئيمارات له‌تى به‌شدار بويه‌و وه ريككه‌فتن وه‌ل هاوپه‌يمان كوده‌تا.
وه گووره‌ى ماڵپه‌ڕ عه‌ره‌بى 22 ئه‌وه ده‌ركه‌فت ك سه‌رچه‌وه‌يل باس له‌وه كردنه ك حوسيه‌يل موشه‌كيگ باليستى وه‌ره‌ه‌و سه‌ربازگه‌يگ سوپاى يه‌مه‌نى له پاريزگاى مه‌ئرب وه‌شاننه له باكوور خوه‌رهه‌ڵات وڵاته‌گه‌و ئامانج له‌لى كوشتن ئه‌لئه‌حمه‌ر بويه ك له‌ورا وجوود داشتگه.
جى باسه، سه‌رچه‌وه‌يل يه‌يش ده‌رخستنه ك ئه‌و موشه‌كه له‌ناو ئه‌و سه‌ربازگه كه‌فتگه‌و ته‌قينه‌وه‌يگ گه‌ورايگ له‌لى روێداگه، وه‌لێ سه‌رچه‌وه‌يل هويچ زانيارييگ له‌باره‌ى زه‌ره‌ده‌يل گيانى و ماددى باس نه‌كردنه.