شه‌فه‌ق نيوز/ وه‌ليد جونبلات سه‌ركرده‌ى ئه‌لدرزى داواى وساننه‌وه‌ى جه‌نگ كرد له يه‌مه‌ن وه زويترين وه‌خت و وشدارييش دا له مغامره‌ى سه‌ربازى جوور ئه‌وه‌گ باسى كرد ك شايه‌ت وڵاته‌يل يه‌كگرتگ ئه‌مريكى و ئسرائيل ئه‌نجامى بيه‌ن له ناوچه‌گه.
لێدوانه‌يل جونبلات له بان لاپه‌ڕه‌ى تايبه‌ت خوه‌ى له توێته‌ر، دوياى ئعلانه‌گه‌ى هاوپه‌يمان عه‌ره‌بى هات ك شانشين عه‌ره‌بى سعودى سه‌ركردايه‌تيى ئه‌كا له يه‌مه‌ن له‌باره‌ى وه‌شانن هه‌فت مووشه‌ك له‌ناو خامه‌يل يه‌مه‌نيه‌و ك 3 مووشه‌كيان رياز گرته ئامانج.
جونبلات ئه‌و په‌لاماره‌يليشه ئه‌را بان شاره‌يل سعودى شه‌رمه‌زار كرد و وت: ئه‌گه‌ر ئى كاره وه‌رده‌وام بدێ ئه‌وه ده‌س تازه‌ى ئداره‌ى ئه‌مريكى و ئسرائيليش ئه‌كه‌فێده ناوى ئه‌را مغامره‌يگ سه‌ربازى هاوشيوه‌ى داگيركارى له عراق له 2003 و يه‌يش ويرانكارى فريه‌يگ له‌گشت ناوچه‌گه دروس ئه‌كا.