شەفەق نیوز ـ تەهران
سووپای پاسداران ئیران، ئمڕوو دووشەممە، هەڕەشە لە ئیدارەی ئەمریکا کەێد، هەر پەلامارداین نوویگ هیلێد ئیران "جوگرافیای جەنگ" و جویر چەک وەکارهاوریاگ ئاڵشتکەێد.
قسەکەر سوپای پاسداران حسێن موحبی وت: "ئەگەر پەلامار نوویگ روی بدەێد، ووە دڵنیایی جویر چەک جەنگ و جوگرافیاگەی ئاڵشتکەیمن"، وتیش تەهران ئامادەس ئەرا جەنگیگ درویژ.
لێدوانە توندەیل ناوەی واشنتۆن و تەهران لەوەختیگە کە سەرۆک ئەمریکا دۆناد ترەمپ رووژ یەکشەممە دیاری ئەرا هەڵکیشان سەربازی بیوینەیگ کرد.
کەناڵ "فۆکس نیوز" قسەیل ترەمپ گواستەو کە ئوشێد "بڕیاریگ دەێد لە ئایندەیگ نزیک کە چشتیگ فرە گەورە روی دەێد".