شەفەق نیوز/ لە رووژ ٢٢ ئاب، رێککەفت وەگەرد رووژ پێشێلکاری لەبان پێکهاتەیل زەوی، ئەو رووژەس ک ئایەم لەناوی داواکاری مەردم لەبان سامانەیل وخزمەتگوزاری زەوی لە سنور خوەی رەدکەێد، ک بایەدە تا ئی رووژە زەوی ئەو سامانەیلە نووەو بکەید، واتە لەو رووژەو تا کۆتایی ساڵەگە، جهان گشت بوودجەگەی ئەرا ساڵ ٢٠٢٠ خەرجکرد، ودەسکردە قەرزکردن لە سەرمایە سروشتیەگە، و پەککەفتنەگە وەردەوامبوود لە خەرجکردن ئەمار سامانە ژینگەیەگە و جیماگەی وەکارهاوردنەگان کەڵەکە کەێد، وەتایبەت دووانەی ئۆکسید کاربۆن لە تووکڵ زەوی.
ئەوەیگ سەرنج راکێشە، ک جهان لەوەخت دیریگ لە ساڵەگە دەسکردە قەرزکردن لە سروشت، وەگورەی ساڵ گوزەیشتە، ئەویش لەوەر کەمی خەرجکردن و جیماگەی گاز لەئەنجام پەتای کۆرۆنا، ک لەساڵ ٢٠١٩ بوودجەی سروشت لە ٢٩ی تەمووز خەرجکریا، ک ئەیە ئووشێد شایەت ئمساڵ سێ هەفتە لە وەرانوەر ساڵ گوزەیستە قانجاز کردیمن، بەڵکم ئی ئاڵشت بوینە ئاوارتەس و وەختانەیە، وئەوەسا جیماگەیل دووقاتەو بوون وەختا چەرخ ئابووری کەفێدە جوولە، و ئەگەر شیوەی خەرجکردنەگە جوور خوەی بمینێد.