شه‌فه‌ق نيوز/ واشنتۆن وه ته‌واوى ئه‌وه خسته دروو ك ده‌مامك له چين سه‌ندوێد و تايبه‌ت كرياوێد ئه‌را فره‌نسا، ئه‌ويش له‌وه‌ر جواودانه‌وه‌ى تومه‌تكردنى ك له‌لايه‌ن چه‌ن وه‌رپرسيگ فره‌نسييه‌و ئاراسته‌ى كريا له يه‌كيگ له جه‌نگه‌يل بڵاوبوێ له جه‌هان له‌باره‌ى ده‌مامك.
له‌ى باوه‌ته‌و، وه‌رپرسيگ باڵا له ئداره‌ى ئه‌مريكى وت: حكومه‌ت وڵاته‌يل يه‌كگرتگ هويچ ده‌مامكيگ نه‌سه‌ندگه ك گوايا چين راده‌سى وه فره‌نسا بكردياد، ئه‌ويش جوور ئه‌وه‌گ ئاژانس فرانس پرێس ئاماژه وه‌پيكرد.
جى باسه، ئه‌و وه‌رپرسه ك نه‌تواسگه ناوى ئاشكرا بدێ وتگه: ئه‌و زانياريه‌يله ك باس كريانه وه چه‌واشه‌ى مه‌سه‌له‌گه‌س و ئيچنه هه‌واڵيگ له ڕاسييه‌و دويره.