شه‌فه‌ق نيوز/ ريمنۆند تۆماس سه‌رۆك سه‌ركردايه‌تى فه‌رمانده‌يى تايبه‌ت له سوپاێ ئه‌مريكى، جه‌خت له‌وه كرد ك شه‌رعيه‌ت وجوود سه‌ربازێ رووسى له سوريا نفوز ئه‌ياده مۆكسۆ ك ڕى وه‌پى بيه‌ێد تا رادێ توانايى له‌بان قاوداين هيزه‌يل ئه‌مريكى له سوريا.
له‌ى باوه‌ته‌و، گووڤار نيوزويك ئه‌مريكى له زووان تۆماس وت: روسيا شوون پايگ ئه‌را خوه‌ێ له سوريا وه ده‌سهاوردگه وه مسداقيه‌تيگ فيشتر له وڵاته‌يل يه‌كگرتگ و ئى نفوزيشه شايه‌ت ئه‌را ده‌ركردن و قاودان هيزه‌يل ئه‌مريكێ بدێ له‌و وڵاته.
تۆماس وت: شايه‌ت ياساى ناوده‌وڵه‌تى و به‌ڵگه‌يل جه‌هانى ڕى وه وڵاته‌يل يه‌كگرتگ نه‌يه‌ن له سوريا بمينێد، چوينكه وه‌ناوچگن و وجوودى ناشه‌رعى بوى و چه‌وه‌ڕێ ره‌زامه‌نى حكومه‌ت سوورى نه‌كرد، يه‌يش له وه‌ختيگ ك روسيايش به‌شداره له‌تى له جه‌نگ دژ داعش و هيزه‌يل تر ترۆريستى، وه‌لێ وجوودێ له‌بان داواكارى به‌شار ئه‌سه‌د سه‌رۆك سوورى بويه، ك يه‌يش په‌رده‌يگ ياسايى ناوده‌وڵه‌تى و توانايگ ئه‌را مۆسكۆ دابين ئه‌كا ئه‌را پيشكه‌شكردن كيشه‌يگ بته‌و دژ وڵاته‌يل يه‌كگرتگ.