شه‌فه‌ق نيوز/ رووژنامه‌يل سعودى ئاشكراى ئه‌وه كردن ك سه‌ركردايه‌تى ريكخرياگ ناوده‌وڵه‌تى جه‌ماعه‌ت ئخوان مسلمين فه‌رمان ئه‌را ئه‌ندامه‌يلى له قه‌ته‌ر ده‌ركردگه وه گورجترين وه‌خت له‌و ده‌وڵه‌ت كه‌نداوه ده‌ربچن له‌وه‌ر سووكه‌وكردن فشار له‌بان دۆحه.
رووژنامه‌ێ عه‌كاز سعودێ له زووان سه‌رچه‌وه‌يل ئاگادار وت: ئه‌و رينمايه‌يله له‌يواسه ك ئه‌ندامه‌يل ئخوان فه‌رمان وه‌پيان درياگه له قه‌ته‌ر ده‌رچن و بچن وه‌ره‌و سودان و توركيا و بريتانيا و ماليزيا.
جى باسه، رووژنامه‌ێ ئه‌لڕياز سعودييش ئاماژه وه ئه‌وه كرد ئه‌و رينمايه‌يله له وه‌خت دانيشتن سه‌ركردايه‌تيه‌يل ريكخرياگ ناوده‌وڵه‌تى ئخوان له توركيا ده‌رچيه وه ئاماده‌بوين شماره‌يگ له كه‌سايه‌تيه‌يل فه‌رمى توركى، يه‌يش له يه‌كه‌مين كاردانه‌وه‌ێ ئه‌و ريكخرياگه له‌بان بڕيار بڕين په‌يوه‌ندى چوار ده‌وڵه‌ته‌گه وه‌ل قه‌ته‌ر.