شەفەق نیوز/ فرۆکەیل ئیسرائیل، ئمڕوو شەممە، سێ گورز ئاسمانی فرە تون وەبان ناوچەی حارەت حرێک لە زاحیەی باشوور بەیروت جیوەجی کرد.
ئەو گورزەیلە دویای ئاگادارکردن سوپای ئیسرائیل ئەرا دانیشتگەیل هات کە داوا کرد ناوچە و
لەلای خوەییش، کەناڵ "الجديد" لوبنانی وت: یەکیگ لەو گورزەیلە بینایگ نزیک ماڵ مەرجع شیعە حسێن فەزلولڵا کردە ئامانج.
هەرلیوا، ئاژانس راگەیانن نیشتمانی وت: فڕۆکەیل دوژمن زنجیرە گورزەیلیگ وەبان بازونیە و دێر قانون و راسلعەین و عەین بەعال و باتولبە باشوور سوور جیوەجی کردن.
وتیش: وەگەرد ئەوە تووپخانەیل دەورگرد ناوچەیل شەمع و مجدەل زون و تەیر حەرفا و وادی حامول لە ناقورەوو دەورگرد علما شەعب کردنە ئامانج.
لە خود باوەت، جەنگ سەختیگ وەڕیەو چوود، لە ئەنجام تەقەلایل دزەکردن دووارەی ئیسرائیل وەرەو ناو خاک لوبنان لە ناوچەیل باشوور.
وەگورەی میدیایل لوبنانی فەرمی، دوژمن دووارە تەقەلا دەێد وەرەو ناو خاک لوبنان دزە بکەێد، لە ناوچەی زهیرە و کەرت تەیر حەرفا کە جەنگ سەختیگ کەفتیەسە ناوەین وەرخودان و دوژمن ئیسرائیلی.
لەناو جەنگەگە، بینایگ نیشتەجییوین لە ئەنجام کەفتن فڕۆکەیگ بێفڕۆکەوان لوبنانی زەردەمەن بوی لە نەهاریای باکوور ئیسرائیل.
کەناڵ ١٢ی ئیسرائیلی وت: فیکەی هوشداری لە نەهاریا و چەن ناوچەیگ باکوور کوتت لەڕخ دزەکردن فرۆکەیل دوژمن، وتیش: فڕۆکەیل رەسیەسە بینایگ نیشتەجییوین و زەرەد وەپی رەسانیە، و سوپای ئیسرائیل بڵاو کرد کە نواگیری چوار فڕۆکە کریا کە لە لوبنانەو هاتن.
وەرانوە ئەوە، سوپای ئیسرائیل کوتیان فیکەی هوشداری لە ناوچەی خەلیج حەیفا و جەلیل ناوڕاس راگەیان وەکەبز خەوەر لە پەلامارەیل مووشەکی خەسیگ وەلایەن حزبوڵا.