شەفەق نیوز/ تووڕ كۆمه‌ڵایه‌تی "Truth Social" تایبەت ت وه دۆناڵد تره‌مپ سه‌رۆک وەرین ئه‌مریكا، وەشیوەی نواوەختە ئاراسته‌ی 500 كه‌س كریا تا تاقی بكریەێد، چەوەڕی كریەێد 21 ئی مانگه بخریەێدە وه‌رده‌س وه‌كارهاورەیلی و لایه‌نگرەیل دۆناڵد تره‌پ.
رووژنامەی The Guardian ئه‌مریكی بڵاوکردیە، یه‌كه‌م ڤێرژنی تووڕ كۆمه‌ڵایه‌تی "Truth Social" تایبه‌ت وه دۆناڵد تره‌مپ رەسیەسە وه‌ر ده‌س 500 كه‌س تا وەرجە وەکارهاوەریل ئه‌و تووڕە كۆمه‌ڵایه‌تییه وه‌كاربارن و تاقی بكه‌ن، ئەرائەوەگ له خاسی و ته‌واو كاركردن ئه‌و تووڕە دڵنیابوون.
دیاریکرد، گروپ كۆمپانیایەیل تره‌مپ ئەرا میدیا و ته‌كنه‌لۆژیا ناسریاگ وه "TMTG" وەشیوەیگ فه‌رمی "Truth Social" ئەرا تاقیكه‌رەیلی گورج کرد تا دۊاین تێبینییه‌یەیل خوەیان له باره‌ی ئه‌و تووڕە كۆمه‌ڵایه‌تییه بیه‌ن و وەپای تیبینی تاقیكه‌ره‌وەیل ئه‌و تۆڕه تووڕە كۆمه‌ڵایه‌تیە، ئاپه‌گه فرەخاس کارکەێد، باوجی لەړۊی وەکارهاوردن كه‌میگ جۊر تویته‌ره.
رۆژنامه‌گه‌یش ئاشكەراکرد، وەکارهاوەرەیل تووڕ "Truth Social" تۊنن پۆست و هۊرکردن و بۆچونه‌یلیان له‌ناو په‌ڕه‌ی فه‌رمی خوەیان بڵاوبكه‌ن، له ناو ئی ئاپلیكه‌یشنه ریكلام بازرگانی نییە و وەگورەی وته‌ی ئه‌و كه‌سەیلە توورەگە تاقیكردنه، پەرەوەپیدان ئاپلیكه‌یشنه‌گه‌ی دۆناڵد تره‌مپ به‌ش کلکردن نامه‌ی راسته‌وخۆ ئەرا ئاپه‌گه زیادكردیه و چەوەری کرێد له 21 ئی مانگه بخرێدە وه‌ر ده‌س وه‌كارهێنه‌رەیل.