شەفەق نیوز ـ تونس
دەسەڵاتدارەیل تونس، ئمڕوو یەکشەممە، دراوردن 8 تەرم راگەیان وە مدوو نقومبوین بەلەمیگ کە 15 کووچبەر تونسی وەشیوەی نایاسایی لە کناراوەیل بن قردان لە باشوور خوەرهەڵات وڵات.
قسەکەر ئیدارەی گشتی پاسەوانەیل، حسامەدین جبابلی وت: ئۆپراسیۆنەیل مینەکردن و رزگارکردن وەردەوامە وە سەرپەرشتی راستەوخوەی سەرۆک قەیس سەعید، لە دویای گومابوین 15 کووچبەر تونسی وە مدوو پلیان بەلەمیان لە کناراوەیل بن قردان.
وتیش؛ ئاژانس خەوەری تونسی لە کارەیل مینەکزدن تەرم 3 کەس لەرووژ شەممە دراوردیە و 5 تەرمیش لە رووژ یەکشەممە دراوردیە، کوو گشت شمارەی تەرمەیل دراوریاگ رەسیەس ئەرا 8 تەرم، تەقەلایەیل وەردەوامە ئەرا مینەکردن گومابویەیل ترەک.
جەبابلی دووپات کرد: "بەشدارن لە کارهیل مینەکردن و رزگارکردن یەکە جیووازەیل دەزگا سەربازییەیل سەر ئاو سەر وە دیوان (گومرگ) دەریایی، و سەربازگەی دەریایی، و وەرگری شارستانی، و سوپای دەریایی، وەرد دوو هەلیکۆپتەر سەر وە سەربازگەی نیشتمانی و سوپای نیشتمانی".