شه‌فه‌ق نيوز/ توركيا داوا له ئه‌ندامه‌يل هاوپه‌يمان باكوور ئه‌تڵه‌سى"ناتۆ" كرد پشتگيرى هه‌ڵمه‌ته سه‌ربازيه‌گه‌ێ بكه‌ن ك ئويشێد دژ جه‌نگاوه‌ره‌يل كورد له عفرين له باكوور سوريا ده‌س وه‌پيكردگه.
ئه‌حمه‌د برات كونكار نوێنه‌ر توركيا له ناتۆ ئه‌را بى بى سى وت: بايه‌سه له‌بان وڵاته‌يل يه‌كگرتگ و هاوپه‌يمانه‌يل تر دوباره مه‌زه‌نه‌ێ ئه‌ندامێتييان بكه‌ن له هاوپه‌يمان سه‌ربازێ له حاڵه‌تيگ ئه‌گه‌ر ناڕه‌زا بوين له‌بان كرده‌وه‌يل توركيا.
جى باسه، هيزه‌يل پياده‌ێ سه‌ر وه سوپاى توركى له ناوچه‌ى عه‌فرين بڵاو بوينه‌سه‌و له چوارچێوه‌ى هه‌ڵمه‌تيگ توركى وه‌رده‌وام ك ئه‌را ماوه‌ى دو رووژه‌و به‌ره‌ێ تازه‌يگ وه‌پى واز كردگه له جه‌نگ ئه‌هلى له سوريا ك ئه‌نقه‌ره باس له‌وه ئه‌كا له‌ى هه‌ڵمه‌ته بنگه‌يل سه‌ر وه يه‌كه‌يل پاسه‌وان ملله‌ت كورد ئه‌گرێده ئامانج ك توركيا وه ريكخرياگيگ ترۆريستى تاريفى ئه‌كاو جوور لقيگ له پارت كارگه‌ره‌يل كوردستان زانێده‌ێ.