رووژنامەی دەیلی سەباح تورکی لە زوان سەرچەوەیل ئەمنی تورک وت: ریخریاگ هەواڵگری نیشتمانی لە قامیشلی سوریا لە ئۆپراسیۆنیگ عەبدولحەمید گابار کردە ئامانج کە نازناو (تیکین فوی) هەڵگرێد، کە کەسیگ ناودیارە لە پەکەکە.
سەرچەوەیل وتنیش؛ گابار وەڕیەوبەر بڕیگ لە لقەیل یەپەگە بوی کە باڵ پەکەکەس لە سوریا.
وەگورەی رووژنامەگە، هەواڵگری تورکیا لە ساڵ ١٩٩٢ەو کفتیەسە سزبن گابار، وەختیگ ویستگەی دەرەک لە کەرت شرناق باشوور خوەرهەڵاتی کردە ئامانج، و بویە هوکار کوشیان ٢٦ سەرباز و رفیان دوو سەرباز ترەک.
گابار لەو ساڵە چگە ناو پەکەکە، و لە کەمپ مەحمود لە عراق لەناو ئەندامەیل حزبەگە بوی تا ساڵ ٢٠٠١، و لە هافتانین و هاکۆرک چالاک بوی.
لە ساڵ ٢٠١١ وەرپرس ڕاهێنان سەربازەیل بوی، و لە ساڵ ٢٠١٤ بویە نوینەر پەکەکە لە شنگال، دویای ئەوە لە ساڵ ٢٠١٨ ئەرا سوریا کلکریا، و لەورا پلەی وەزوی لەناو پەکەکە بەرزەو بوی.