شەفەق نیوز/ وەزیر وەرگیری تورکیا، خلوسی ئاکار، راگەیان ئی هەفتە شوینەیل پەکەکە لە بان زەوی عراق پەلاماردریا لە دویری 140 کم لە سنوورەگە.

وەزیرەگە لە وەخت سەردانیکردن شار شرناق ک کەفێدە باشوور خوەرهەڵات وڵاتەگە ک زیاتری کوردن وت" ئۆپراسیۆنیگ ئاسمانی لە رووژ دووشەممە لە باشوورعراق لە ناوچەی ئاسۆس لە دویری 140 کم لە سنوورەگە ئەنجامداین".

وەگورەی ئاکار سووپای تورکیا شوینەیل " ژیر وەرپرسیارەتی پەکەکە کردنەسە ئامانج" ک ئەنقەرە و هاوپەیمانەیل خوەرئاوا وە "تیرۆرست"پۆلینی کەن.

وتیش" 16 ئەشکەفت ک پەکەکە وەکاری هاوردیە ویرانکریانە، وەبی ئەوەگ دیاری بکەن ئەو ناوچەیل وە ئامانج گیریاگە زەرەد گیانی داشتیە یا نە".