شەفەق نیوز - ئەنقەرە

تورکیا، ئمڕوو دووشەممە، راگەیان کە زیاتر لە سێ هەزار و ٥٠٠ کەس لە ناوچەیل دەورگرد شار گەورەی پیشەسازی بۆرسە دەرکرد، لەوەر هیزگردن دوو ئاگر کە زیاتر لە ٢٤ ساعەتە بڵویزە کەن.

ئیبراهیم یوماکلی، وەزیر کشتوکاڵ و دارستان تورکیا وت: "وە گشتی سێ هەزار و 515 هاوڵاتی ئەرا شوینە ئارامەیل دەرکریانە"، و "دوو هەزار و 300 کارمەن ئاگرکپەوکردن و  فریاگوزاری لەناو وای تونیگ پەسا نواگیری ئاگرەیل کەن".

وتیش: "زیاتر لە 850 ماشین و شەش فڕۆکە و چوار هەلیکۆپتەر هانە شوینەگە، کە مەزەنە کریەێد پلەی گەرمی وەردەوام بوود لە بەرزەوبوین ئەرا نزیکەی 40 پلەی سەدی لە چەن رووژ ئایندە"، بەبی دیاریکردن ئەو ناوچەی دارستانیانە  بکەێد کە ئاگر سزانەیان لە   چوارەم گەورەترین شار وڵات.

لە ویلایەت ئاوایی  قەرەبوک لە باکوور تورکیا، تیمەیل وەرگری شارستانی ماوەی پەنج رووژە تەقەلای کپەوکردن ئاگر لە ناوچەگە دەن، کە 72% ناوچەجە وە دارستانەیل پووشیاس، کە بویەسە مدوو دەرکر زیاتر لە هەزار و ٨٠٠ کەس.

وەگورەی چەن میدیاییگ تورکیا، ئاگرەگە لە کۆتایی هەفتە وە دەیان کیلۆمەتر لەی ویلایەتە بڵاو بویە، کە سەختی زەوی وە زار ناوچەگە   ئەرک ئاگرکپەوکردن قورسەو کەێد.

بیجگە لەوەیش رەجەب تەیب ئەردۆغان، سەرۆککۆمار تورکیا راگەیان کە لە سەرەتای وەرز تاوسانەو تا ئیسە زیاتر لە سێ هەزار ئاگر لە تورکیا کپەو کریاس.