شەفەق نیوز - وەدۊاچگن

دەسەی ئۆپەراسیۆنەیل بازرگانی دەریایی بەریتانی، رووژ یەکشەممە، دووپات کرد کە قەتارەیگ دەریایی تویش گورزیگ هاتگە لەلایەن دوو هاویشتەی سەرچەوە نەناسیاگ لە وەرانوەر ئیمارات.

دەسەگە لە بەیاننامەیگ وت، کە ئاگادارکردنیگ وەرگردگە لەباوەت رویداویگ لە باکوور خوەرهەڵات خۆرفەکان لە ئیمارات، کە قەتارە دەریاییەگە ئاگاداری کردگە لە تویشاتنی وە گورزەگە لە وەختیگ وەرەو باشوور رەد بۊە.

 دەسەگە وتیش کە رویداوەگە بۊسە مدوو یەک زەخمداری سووک، و زەرەد رەسیەسە قەتارەگە، وە دەسنشانکردن لە خود وەخت ئەرا ئەوە کە وەردەوامە لە گەشتەگەی لەناو رێڕەوەگەی.

 فەرماندەیی ناوەندی ئەمریکی (سێنتکۆم)، کە وەرپرسە لە ئۆپەراسیۆنەیل لە خوەرهەڵات ناوڕاس، ئیوارەی دۊەکە شەممە، راگەیان لە ئاڵشتکردن رێڕەو 138 کەشتی بازرگانی ئەرا مسۆگەرکردن پابەندبۊن تەواو، لە وەخت دەسکردن گەمارۆ دەریاییەگە لەبان ئیران لە 14 تەموز / یۆلیۆی گوزەشتە.