شه‌فه‌ق نيوز/ به‌هرام قاسمى قسه‌كه‌ر وه‌ناو خارجيه‌ى ئيرانى، ره‌خنه له سه‌ڵته‌نه‌ێ عومان گرت، ئه‌ويش دوياى ئه‌وه‌گ سوڵتان قابوس بن سه‌عيد له مه‌سقه‌ت پايته‌خت پيشوازى له بنيامين نه‌تانياهۆ سه‌رۆك وه‌زيره‌يل ئسرائيلى كرد.
قاسمى ئه‌را رووژنامه‌نويسه‌يل وت: وه باوه‌ڕ ئيمه نه‌بايه‌د ده‌وڵه‌ته‌يل ئسلامى له ناوچه‌گه ڕێ وه قه‌واره‌ى سايۆنيزم داگيركه‌ر بيه‌ن وه‌فشار له ماڵ چه‌رمگ ئه‌مريكى له‌وه‌ر هه‌وڵ دروسكردن ئاشووگه‌رى و كيشه‌يل تازه له ناوچه‌گه.
جى باسه، قاسمى هه‌ميش وت: بيگومان ئيسرائيل ئه‌خوازێد كيشه‌و ناكووكى له‌ناونى ده‌وڵه‌ته‌يل ئسلام دروس بكاو په‌رده‌پووش ئه‌و داگيركارى و ده‌سدريژيه‌يله بكا ك 70 ساڵ ده‌رهه‌ق وه ملله‌ت فلستينى زوڵمليكرياێ ئه‌نجامى داگه.