شه‌فه‌ق نيوز/ محه‌مه‌د جه‌واد ئه‌بته‌حى نوێنه‌ر مه‌ردم خومه‌ينى شار له‌ناوڕاس له ئه‌نجومه‌ن شوراى ئيرانى وت: ئه‌فسه‌ريگ ك كار له هه‌واڵگرێ ناوه‌ندى ئه‌مريكى((CIAكار كردياد، هامشوو ماڵ كاوس سه‌يد ئيمامى كردياد.
ئه‌بته‌حى له لێدوانيگ له چوارچێوه‌ى دانيشتن نوێنه‌ره‌يل ئه‌را شيه‌وكردن ليست بودجه‌ێ ساڵ ئاينده وت: ئى ئه‌فسه‌ر ئه‌مريكيه هامشوو ماڵ سه‌يد ئيمامى كردياد ئه‌را ماوه‌ى 10 ساڵ، وه‌لێ كه‌س هويرى له‌لاى ئى مه‌سه‌له نه‌ويه.
جى باسه، ئاماژه وه‌يه‌يش ئه‌كريه‌ێد ك كاوس سه‌يد ئيمامى وه‌رجه چه‌ن رووژه‌يليگ خوه‌ێ له زيندان كوشتگه، ئه‌ويش دوياى ئه‌وه‌گ ده‌ركه‌فت ك چالاكيه‌يل سيخوڕێ داشتگه له‌ژير په‌رده‌ێ مقه‌يه‌تيكردن له ژينگه.