شه‌فه‌ق نيوز/ چه‌ودير سوورى ئه‌را مافه‌يل ئاده‌ميزاد، ئه‌وه ده‌رخست ك ده‌مه‌و شه‌وه‌كى ئمڕوو ته‌قينه‌وه‌يل گه‌ورايگ ناوچه‌ى ده‌ورگرد ته‌ياره‌خانه‌ى ناوده‌وڵه‌تى ديمه‌شق گرته‌سه ئامانج.
له‌ى باوه‌ته‌و، رامى عه‌بدولڕه‌حمان وه‌ڕيه‌وبه‌ر چه‌وديره‌گه وت: ئه‌و ته‌قينه‌وه‌يله گه‌ورا بوينه‌و له ديمه‌ش ده‌نگى ژنه‌فياگه، وه‌لێ هيمان تائيسه هووكاره‌گه‌ى ئاشكرا نيه.
جى باسه، له‌لايه‌ن خوه‌ييشه‌و، ئاژانس سبوتنيگ رووسى وت: ئه‌و ته‌قينه‌وه‌يله له ئاكام 5 په‌لامار ته‌ياره‌يل ئسرائيلى بوينه ئه‌را بان كاروانيگ سه‌ربازى له نزيك ته‌ياره‌خانه‌گه له خوه‌رهه‌ڵات ديمه‌شق پايته‌خت سوريا.