شه‌فه‌ق نيوز/ له ئاكام ته‌قينه‌وه‌يگ خوه‌يكوشى و وه‌شانن نارنجه‌كيگ ده‌سى ك هيزيگ له سوپاێ لوبنانى گرته ئامانج 7 سه‌رباز تويش هاتن له هه‌وڵيگ له وه‌خت وشكانن كووچبه‌ره‌يل سوورى له كه‌مپيگ له خوه‌هه‌ڵات لوبنان.
ئاژانيش نيشتمانى ميديايى له به‌ياننامه‌يگ له زووان سوپاێ لوبنانى ئه‌وه ده‌رخست ك ده‌مه‌و شه‌وه‌كى ئمڕوو هه‌ناێ ك هيزيگ له سوپا خه‌ريك وشكانن كه‌مپ ئه‌لنور ئه‌را كووچبه‌ره‌يل سوورى بويه له شار عرسال، خوه‌يكوشيگ خوه‌ى ته‌قانه‌سه‌و له‌ڕى شاڵيگ مينڕيژكرياێ له‌وه‌رده‌م ده‌وريه‌يگ وشكاننكار و بويه‌سه هووكار زه‌خمداركردن سێ سه‌رباز و كوشتن خوه‌ێ.
به‌ياننامه‌گه هه‌ميش وت: ترۆريستيگيش نارنجه‌كيگ ده‌سى وه‌ره‌و ڕوێ ده‌وريه‌يگ تر وه‌شانگه‌و له وه‌خت ته‌قينه‌وه‌ێ 4 سه‌رباز زه‌خمدار كردگه.