شەفەق نیوز - تاران

دراو ئیرانی رووژ شەممە، داوەزیان نوویگ لە وەرانوەر دۆلار ئەمریکی لە بازاڕ هاوتەریب توومار کرد، تا نرخ دۆلار بڕەسێدە نزیکەی 272 هەزار و 900 تمەن، لە ناو وەردەوامبۊن فشارەیل لەبان ئابووری ئیرانی و بەرزەوبۊن ریژەیل هەڵاوسان.

 یۆرۆ 297.800 هەزار توومار کرد لە وەختیگ جونیەی ئیستەرلینی 354.900 هەزار توومار کرد.

 نرخ دۆلار لە وەرانوەر تمەن وە ئاستەیل پەیمانەیی لە ماوەی رووژەیل گوزەشتە بەرزەو بۊ، دۊای ئەوەگ نزیکەی 260 هەزار تمەن لە 11 تشرین دۊیەم/ نۆڤەمبەر، و نزیکەی 268 هەزار و 545 تمەن لە 19ی تشرین دۊەم توومار کرد، ئەوەگ وەردەوامبۊن داوەزیان بەهای دراو ناوخۆیی رەنگ دەێدەو.

 یەیش هاووەخت تیەێد وەرد بەرزەوبۊن هەڵاوسان ساڵانە لە ئیران ئەرا 88.7% لە ماوەی ئەو مانگە کە لە 22 تشرین یەکەم/ ئۆکتۆبەر کۆتایی هات، وەپەی داتایەیل ناوەند ئامار ئیرانی، لە وەختیگ تێکڕای هەڵاوسان لە ماوەی 12 مانگ رەسیە 76.8%.

 ئی وەرەونواچگنەیلە فشارە بژێوییەیل لەبان ئیرانییەیل زیای کەن، لە سای بەرزەوبۊن نرخەیل کاڵا و خزمەتگوزارییەیل و داوەزیان توانای سەنین، هاووەخت وەرد سزایەیل ئەمریکی و ئەو کۆتوبەندەیلە کە چەسپیانە لەبان هەناردە نەفتییەیل و تەکانە داراییەیل.