شه‌فه‌ق نيوز/ كۆرياى باكوور ئاشكراى كرد ك كيم جونگ ئون سه‌رۆك له‌ڕێ ديدارى وه‌ل شى جين بينگ سه‌رۆك چينى له په‌كين نيگه‌رانى خوه‌ێ ده‌رخستگه وه‌رانوه‌ر كه‌مته‌رخه‌مى له گفتگوو ناونى بيونگ يانگ و واشنتۆن له‌باره‌ى چه‌ك داماڵين له نيمچه دويرگه‌ێ كۆرى.
له‌و باوه‌ته‌و، ئاژانس فه‌رمى هه‌واڵه‌يل كۆرياى باكوور وت: كيم نيگه‌ران بويه وه‌رانوه‌ر ئه‌و مه‌يل سه‌ردێ ئيسه له پرووسه‌ى خاسه‌وكردن په‌يوه‌نديه‌يل له‌ناونى وڵاته‌يل يه‌كگرتگ و كۆمار كۆرياى مللى ديموكراتى و له گفگووه‌يل داماڵين چه‌ك ئه‌تۆمى.
جى باسه، كيم جون له هه‌مان وه‌خت جه‌ختيش له‌وه كرد ك هه‌ڵويست مه‌بده‌ئى وڵاته‌گه‌ێ ك ئه‌ويش ره‌سينه وه چاره‌سه‌ريگ فه‌رمى له‌ڕێ دانيشتن و گفتگوو، ئاڵشت نه‌ويه‌و هيمان جوور خوه‌يه.