شه‌فه‌ق نيوز/ دۆناڵد ترمپ سه‌رۆك ئه‌مريكا، ياسايگ ئمزا كرد ك له‌تى سزا له‌بان پشتگيريكه‌ره‌يل حزبوڵڵاى لوبنانى ئه‌چه‌سپيه‌ێد.

له‌ى باوه‌ته‌و، ماڵ چه‌رمگ له‌ به‌ياننامه‌يگ وت: ئه‌و ياسا ك تره‌مپ ئمزاى كردگه‌ حزبوڵڵا وه‌شيوه‌يگ فراوانتر له‌ سيسته‌م دارايى ناوده‌وڵه‌تى دويره‌و ئه‌خا و مه‌رز ئه‌را ته‌مويلكردنى دانه‌ێد و ئى سزايشه‌ روێ له‌ كه‌سه‌يل بيگانه‌و ئه‌و لايه‌نه‌يل حكومييشه‌ ئه‌كا ك پشتگيرى له‌ حزبوڵڵا و تووڕه‌يل په‌يوه‌س وه‌پيه‌و ئه‌كه‌ن ك به‌شدارن له‌ بازرگانيكردن مادده‌يل بيهووشه‌كه‌ر و تاوانه‌يل تر له‌ڕێ مه‌رزه‌يل.

به‌ياننامه‌گه‌ هه‌ميش وت: ئه‌و سزايه‌يله‌ وه‌تايبه‌ت دقه‌ت له‌بان سڕكردن ئسووڵى و هه‌ڵوه‌شاننه‌وه‌ى ڤيزا ئه‌را وڵاته‌يل يه‌كگرتگ و قه‌يه‌غه‌ى چگن ئه‌راى ئه‌كا.